www.caonlinenews.com

Loading...

COVID-19 outbreak sa 2 kumbento ng mga madre inaasikaso na, tinutulungan – QC LGU

Sep 16, 2021 news-admin 13 views

Iniimbestigahan na ngayon ng Quezon City Epidemiology and Disease Surveillance Unit (CESU) ang posibleng sanhi ng COVID-19 outbreak sa Religious of the Virgin Mary Convent sa Cubao kung saan 114 indibidwal ang nagpositibo sa virus.

Dahil dito massive contact tracing ang isinasagawa na ngayon para mapigilan ang pagkalat pa ng virus.

Batay sa report ng city health officials, wala ni isa sa mga madre na nagpositibo sa virus ang nabakunahan dahil kinansela ng mga ito ang

kanilang iskedyul subalit ang kanilang mga staff ay fully vaccinated na.

Ayon kay CESU chief Dr. Rolando Cruz, batid na ng kaniyang team ang sitwasyon matapos maitala ang kaso sa surveillance data na iniulat ng isang testing laboratory.

Sinabi ni Dr. Cruz hindi ang CESU ang nag-swab sa mga ito dahil nagpa-test sila sa isang pribadong testing center.

Sa ngayon nagsasagawa na ng imbestigasyon ang CESU para mabatid kung ang mga nagpositibo sa nasabing kombento ay may close contact sa labas ng facility.

Ang RVM ay kasalukuyang nasa Special Concern Lockdown (SCL) simula noong September 14.

Samantala, isa pang kumbento sa siyudad ang Convent of the Holy Spirit nakapagtala ng 22 indibidwal na nagpositibo sa virus.

Ang nasabing kumbento ay mayroong 90 residente at kasalukuang iniimbestigahan na rin habang nasa Special Concern Lockdown.

Dahil dito inatasan ni Mayor Joy Belmonte ang CESU na magsagawa ng inventory sa lahat ng mga closed-setting facilities sa siyudad kabilang ang mga kumbento, nursing homes, homes for the aged, rehabilitation centers, shelters for streetchildren, halfway homes para sa mga victims of violence and abuse, hospices, correctional facilities at iba pa.

Pinarerebyu rin ni Mayor Belmonte ang ipinatutupad na health protocols sa nasabing mga caring facilities at sa iba pang mga high-risk institutions.

Inatasan din ng alkalde ang city architect at ang Department of the Building Official para magrekomenda ng mga paraan para sa gagawing retrofit sa mga buildings na maging resistant sa virus transmission.

Pina-alalahahan din ni Mayor Belmonte ang publiko lalo na ang mga administrators ng mga facilities na may confined and closed settings na striktong sundin ang minimum health protocols at agad ireport sa CESU o barangay kung may isa sa kanilang mga tauhan ang nakitaan ng simtomas ng Covid-19 ng sa gayon agad maagapan.

Sa kabilang dako, nasa ilalim ng Special Concern Lockdown Areas ang 51 na lugar sa lungsod dahil sa pagtaas ng bilang ng kaso ng COVID-19.

Partikular na lugar lamang ang sakop ng SCLA at HINDI buong barangay.

Siniguro ng lokal na pamahalaan na mamamahagi ng food packs at essential kits para sa mga apektadong pamilya at sila ay sasailalim sa swab testing at mandatory 14-day quarantine.


Related Post

Latest Post


PNP may mga ginagawang hakbang na para sagutin ang mga alegasyon laban sa kanila – Eleazar
Nanindigan ang Philippine National Police (PNP) na ginagawa nito ang lahat upang masagot ang lahat

Sep 17, 2021 news-admin

53 lugar sa QC isinailalim sa lockdown; ayuda tiniyak sa 2 kumbento ng mga madre na may COVID outbreak
Nadagdagan pa ang mga lugar sa Quezon City na isinailalim sa Special Concern Lockdown (SCLA) dahil

Sep 17, 2021 news-admin

Suplay ng Tocilizumab sa bansa nagkakaubusan – Galvez
Aminado si National Task Force Against COVID-19 chief implementer Carlito Galvez Jr na nahihirapan

Sep 17, 2021 news-admin

Prince Harry at Meghan kasama sa 100 Most Influential people ng Time Magazine
Nakasama ang Royal Couple na sina Prince Harry at Meghan Markle bilang 100 most influential people

Sep 17, 2021 news-admin

Blackwater natikman ang 18 sunod na talo sa NLEX 90-73
Pinatikim ng NLEX sa Blackwater ang kanilang ika-18 sunod na talo 90-73 sa patuloy na 2021 PBA Phil

Sep 17, 2021 news-admin